wissam_hassan107@hotmail.com +96894880870
December 27, 2019 - من قبل المدير

كيف تختار طبيب تجميل الانف

كيف تختار طبيب تجميل الانف
طبعا النتائج هي يللي تحكم فأول شي تصفح كل الحالات بتأمل وتعمق وتأكد ان طبيبك ملم بكل أنواع وحالات تشوهات الأنف ولا يكون حكمك سطحي بأمور متل عدد الصور ممكن الطبيب ينشر الحالة بصورة تعبر عن كل جوانب الأنف وممكن ينشر اربع صور عن الحالة ف 70 عملية ينشر فيهم فوق ال 200صورة
بالنسبة للصور يللي تكون بنهاية الجراحة مو كتير مهمة لأن التورم الموجود ممكن يغطي كل العيوب و الخفسات و بالعكس ممكن يكون الانف مورم و مخربط و النتيجة النهائية رائعة لذلك وحدها النتائج طويلة الامد هي المهمة
بالمستشفيات يللي فيها عدة اطباء تجميل انف لا تسأل موظف الريسبشن عن أفضل طبيب لأنه هو ما بروفيسور هو يوجهك نحو يللي يستلطفه وينفرك من يللي ما يحبه فيكون يللي تحكم فيك هو رايه الخاص و أهواؤه وممكن أمراضه النفسية
بالمستشفيات يللي فيها عدة أطباء تجميل انف لا تاخد رأي المستشفى بافضل طبيب لأن تلقائيا رح يوجهك نحو السعر الأعلى بعبارات متل اذا الحالة صعبة نرشحلكم أو نفضل فلان للايحاء انه الافضل شوف حسابه غالبا لا اصعب الحالات ولا شي ترا هو مستشفى استثماري مو خيري وانت واعي فيك تقيم بنفسك دون ما تتاثر براي حد وظيفته و دخله مرتبط بهل توجيه
لازم تعرف انه السعر الأعلى لا يعني نتيجة افضل السعر تتحكم فيه عوامل كثيرة اذا زائر مثلا ويجي بتذاكر درجة اولى ويقيم بفندق 5نجوم لازم يضاعف السعر عشان يغطي المصاريف لكن يتم ايهامك انه اعلى لان رح تكون النتيجة افضل
بنفس الوقت تجميل الانف مو عرض اسعار تختار الطبيب الأقل سعرا لان اذا تخرب الانف تحط 3 اضعاف عشان تصلحه تختار الطبيب يللي توثق بشغله بس
اذا حد قلك هل طبيب سريع بالشغل و بيخلصلك بسرعة لا تعتبرها مديح و اعتبرها مذمة لأن الخطوات الاساسية تنجز بسرعة و الخطوات الاضافية يللي بتساعد بتحسين النتائج طويلة الأمد هي يللي تحتاج وقت ممكن الجراح يختصر كتير خطوات لتوفير الوقت طبعا الا الحالات البسيطة
اذا عندك انحرافات بالانف مترافقة بصعوبات تنفس يفضل تختار طبيب اذن انف حنجرة يتقن العملية لان الجهة المعاكسة لجهة الانحراف يصير فيها ضخامة معاوضة باللحمية لان تصير الجهة اوسع من الداخل فبعد ما يرجع الحاجز للنص تنسد الجهة المعاكسة للانحراف باللحمية الكبيرة بعد ما يصغر الجوف ولازم يتخفف حجم اللحمية بنفس العملية او ترجع تسوي عملية تانية وتتخدر وتتكلف مرة ثانية اضافة لان الانحرافات الشديدة بعظام حاجز الانف يللي ممكن تسببلك صداع وحده طبيب الاذن انف حنجرة يللي قادر يعالجلك ياها
MOH NO : 446/2019